Talabalarning konstitutsion bilim va ko‘nikmalari boyitilmoqda

Maʼlumki, mamlakatimizda  yangilanayotgan Konstitutsiyamizning mazmun va mohiyatini targ‘ib qilishga qaratilgan tadbirlar qizg‘in pallaga kirgan.

Bu borada partiyamiz faollari, deputatlari ham faollikni qo‘ldan berishmayapdi.

Bugun Urganch Davlat universiteti ximiyaviy-texnologiyalar fakultetida tashkil etilgan  targ‘ibot tadbiri ham konstitutsiyaviy islohotlarni eʼtirof etishga qaratildi.

Tadbirga talabalar, o‘qituvchilar, partiya faollari, deputatlari hamda hamkor tashkilot vakillari ishtirok etishdi.

Tadbirni   UrDu  o‘qituvchisi, kafedra mudiri, dotsent Xosiyat Shiyxova kirish so‘zi bilan ochib berdi.

Partiyaning viloyat Kengashi matbuot kotibi, O‘zbekiston jurnalistlar ijodiy uyushmasi aʼzosi Zamira Abdullayeva  so‘zga chiqib, yangilanayotgan Bosh Qonunimizning mazmun va mohiyatiga  ishtirokchi talabalar eʼtiborini qaratdi.

Taʼkidlanganidek, yangilanayotgan Konstitutsiya xalqimizning xohish – irodasiga aylanib bormoqda. Loyiha yuzasidan o‘tkazilgan umumxalq muhokamasida 220 mingdan ziyod takliflar kelib tushgani, fuqarolarimizning   yangi tahrirdagi Asosiy Qonunimizga bo‘lgan  juda katta qiziqish va eʼtibor bilan  yondoshganliklarini ifoda etdi.

Shuningdek, yangi tahrirdagi Konstitutsiya bevosita xalq tomonidan qabul qilinib, to‘g‘ridan-to‘g‘ri amalga kiritiladigan birinchi xujjat ekani, Konstitutsiyaviy Qonun loyihasi umumxalq muhokamasida yetuk olimlar, jamoatchilik va xorijiy ekspertlar  muhokamalarida har tomonlama tahlil qilinib, maʼromiga yetkazilgani  va boshqa normalar, jumladan, taʼlim, ilm-fan,  yoshlarga oid moddalari  to‘g‘risida atroflicha maʼlumotlar berildi.

Shoxina Bekchanova, ishtirokchi talaba:

• Tadbir davomida  yangilanayotgan Konstitutsiya to‘g‘risida hayotiy va xalqchil misollar bilan tushunchalar berildi. Bosh Qomusimiz to‘g‘risidagi qiziqtirgan savollarga batafsil javoblar oldik. Tadbir  talabalarning faolligida qizg‘in kechdi. Yangilanayotgan Konstitutsiyamizga bo‘lgan qiziqishimiz oshdi, targ‘ibot jarayonlarida hamda joriy yilning 30 aprel kuni bo‘lib o‘tadigan referendumda  faol bo‘lishimiz muhim ekanini  anglab yetdik.

Vohamizda bu kabi tadbirlar uyushqoqlik bilan  davom etmoqda.

                                                                                                              Rustam BOLTAYEV,

                                                                 “Adolat” SDP Urganch shahar Kengashi raisi,

                                                                                               deputatlik guruhi rahbari