Оилавий поликлиникага кондиционер совға қилинди

Қишнинг совуқ кунларида кичик кўмак ҳам қалбларга илиқлик олиб киради.

Халқ депутатлари Сўх тумани Кенгаши депутати Субҳонали Нишонов бошчилигида партиянинг «Саховат-беназир қадрият» лойиҳаси доирасида «Ҳазрати Али» МФЙда яшовчи кам таъминланган оилаларига озиқ-овқат маҳсулотлари тарқатилди. Шунингдек, маҳалладаги оилавий поликлиникага кондиционер совға қилинди.

- Маҳалламиз аҳолисига кўмак бериш бизнинг вазифамиз, – дейди депутат. – Айниқса, қиш кунлари харажатлар кўлами ортади. Шундай экан, муаммоларга биргаликда ечим топиб, уларни мушкул ҳолда қолдирмаслигимиз керак.

«Адолат» СДП Фарғона вилоят Кенгаши матбуот хизмати.