СИРДАРЁ

Манзил: Гулистон шаҳри, Мустақиллик кўчаси, 35-уй

Телефон: (67) 225-43-58, 225-42-23

Электрон манзил:  sv_adolat@mail.ru

Янгиликлар
News

Партия ташаббуси: Ширинда белбоғли кураш мусобақаси ўтказилди

Барчага яхши маълумки, спорт билан шуғулланиш кишини жисмонан ҳам маънан чиниқтиришда, иродасини мустаҳкамлашда катта асосий омилдир. Спорт билан мунтазам шуғулланиб юрган инсон доимо соғлом бўлади. Шунингдек, ёшликдан бошлаб спортни ўзининг ҳаёт тарзига айлантирган боланинг қадди-қомати ҳам чиройли бўлиб ўсади. Айтадиган бўлсак, унинг афзаллик жиҳатлари кўп. Ҳеч бир нарса спортчалик кишини жаҳонга тез танитмаслиги ҳам айни ҳақиқат ва амалда исботланган. Кейинги йилларда сиёсий партиялар ҳам спорт соҳасига жиддий эътиборини қаратиб келмоқда. Мақсад эса ўз фаолиятлари орқали омма орасида спортни янада кенгроқ тарғиб этишга ҳамда ёш спортчиларнинг эришаётган ютуқларини рағбатлантиришга кўмаклашишдан иборат. Шунга кўра партиямиз аъзолари ҳам жорий йил бошидан бошлаб Ўзбекистон Белбоғли кураш федерацияси Сирдарё вилоят филиали билан ҳамкорлик ўрнатган эди. Бу ҳамкорликнинг амалдаги ифодаси сифатида Ширин шаҳар Кенгаши “Спорт – соғлик гарови” мавзусида белбоғли кураш мусобақасини ўтказди. Ширин шаҳар болалар ва ўсмирлар спорт мактабида ташкил этилган мазкур кураш мусобақасида 2000, 2001, 2002 йилларда туғилган спортчилар ўз вазнлари тоифасида ўзаро қизғин беллашишди. Мусобақада партиянинг вилоят Кенгаши, Ширин шаҳар Кенгаши вакиллари, “Ёшлар қаноти” ҳамда партия фаоллари иштирок этган бўлса, Ўзбекистон Белбоғли кураш федерацияси Сирдарё вилоят филиалидан ташриф буюрган меҳмонлар мусобақага ҳакамлик қилишди. “Адолат” кубоги учун ўтган қизиқарли ва муросасиз беллашувда якуний натижаларга кўра Азиз Назарқулов (55 кг), Хуршид Каримов (60 кг), Сохиб Ўролов (65 кг), Хусан Искандаров (71 кг), Сухроб Эгамқулов (77кг), Жаҳонгир Қаххоров (83 кг)лар фахрли биринчи ўринни эгаллаб, вилоят босқичига йўлланмани қўлга киритишди.   Меҳринисо БОБОНАЗАРОВА Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг:???? https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Бир ойда — бир иш ўрни: Холиқулов Жамшиднинг доимий бандлиги таъминланди

Эрталаблари ишга ва кеч тушиши билан уйга шошадиган инсон том маънодаги бахтли инсондир. Негаки, у ўз меҳнати орқали ўз ризқ-насибасини топади. Қолаверса, доимий ҳаракатда бўлган, ўзи севган машғулоти орқали жамиятга фойда етказаётган киши ҳузур-ҳаловат нелигини ҳам жуда яхши ҳис эта олади, менимча. Агар бунинг акси бўлса-чи? Ана шундай акс ҳолларга ечим топиш, ишга муҳтож фуқароларга ёрдам бериб, уларнинг бандлигига кўмаклашиш халқнинг эзгу умидларини рўёбга чиқаришда ўз беминнат ёрдамларини аямайдиган депутатлар нигоҳидан четда қолмаяпди. Хусусан, Халқ депутатлари Оқолтин туман Кенгаши депутати Ёқубжон Бердиёров ўзига мурожаат этган анчадан буён ишсиз юрган, пировардида кам таъминланган оиласини боқишга қийналаётган туман ҳудудидаги “Андижон” МФЙда яшовчи фуқаро Холиқулов Жамшиднинг муносиб иш билан таъминланишига ёрдам кўрсатди. Депутат бу масала юзасидан Оқолтин туман тиббиёт бирлашмаси бош шифокори Ғ. Абдураимовга мурожаат этган эди. Тиббиёт бирлашмасидаги штатлар жадвалидан келиб чиқиб бош шифокор шифохона хўжалик бўлимига навбатчи қоровул сифатида фуқаро Ж. Холиқуловни меҳнат шартномаси асосида ишга жойлаштирди. Қарабсизки, биргина депутатнинг сўрови билан муаммо ўз жойида ҳал бўла қолди. Ўз навбатида бундан манфаатдор бўлган фуқаро ҳам мурожаати тезликда ҳал бўлганидан жуда мамнун. Депутатларнинг хизмати мана шу каби ишларда асқотаётганлиги, ногоҳ кишини қувонтиради. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/   ...

Батафсил
News

Депутат муаммога ечим топди: уйсиз оилага ҳокимлик ҳисобидан уй берилди

Жойларда қонунлар ижросини тўлақонли таъминлашга ҳисса қўшиш орқали халқ эҳтиёжларига кўпроқ манфаат етказиш мақсадида партия депутатлари ўз ваколатлари доирасида иш олиб бормоқда. Халқ депутатлари Сирдарё вилояти Кенгашидаги Ўзбекистон “Адолат” СДП депутатлик гуруҳи фаолиятига назар ташлаб ҳам бунга амин бўлиш мумкин. Депутатлик гуруҳи аъзоси Мавлуда Алтмишева Мирзаобод туманининг “Наврўз” шаҳарчасида истиқомат қилувчи фуқароларнинг хонадонларида бўлиб, улар билан суҳбатлашганида, фуқаро М.Бойқулова укаси Эркин Ибрагимов суяк емирилиши касаллигига чалинганлиги боис уни тезда операция қилиш лозимлиги, аммо бунга моддий жиҳатдан имкони йўқлиги, бир неча ташкилотга ёрдам сўраб мурожаат қилса-да, натижа бўлмаганини баён қилди. М.Алтмишева ушбу масала юзасидан вилоят ҳокимлигига депутатлик сўрови киритиши натижасида муаммога ечим топилиб, Э.Ибрагимовга белгиланган тартибда 8 миллион сўм пул маблағи ажратилди. Сенатор, партия депутатлик гуруҳи аъзоси Орифжон Қудратовга Гулистон туманидаги “Ишонч” маҳалласи аҳли билан мулоқот чоғида фуқаролар ичимлик суви билан боғлиқ муаммолар юзасидан мурожаат этишди. Муаммони ўз жойида ўрганиш асосида вилоят “Сув-оқава” ДУК раҳбарига депутатлик сўрови киритди. Муҳими, депутат “Обод қишлоқ” дастури асосида ушбу маҳаллага 4300 метр ичимлик сув тармоқлари ётқизилишини ҳам назоратдан четда қолдирмади. Шу билан бирга, аҳоли эҳтиёжидан келиб чиқиб, қўшимча равишда яна 300 метрлик янги сув қувурлари тортилди. Маҳалла ҳудудидаги сув қувурлари етиб бормай қолган “Тўлин ой” ва “Серқуёш” кўчаларига эса эндиликда 200 метр полиэтилен сув қувурлари ўрнатиш режалаштирилди. Кечаси хонадонларда ёки кўчаларда бирор соат чироқ ўчиб турса, кўпгина ноқулайликларни келтириб чиқариши бор гап. Шу боис электр таъминоти масаласига ҳам депутатлар эътибор қаратишмоқда. Чунончи, Бахт шаҳридаги бир неча кўчаларда электр чироқлари ўрнатилмаганлиги транспорт воситалари ҳаракатланиши аҳоли, айниқса, кекса кишилар ва болаларга қийинчилик туғдираётган эди. Депутатлик гуруҳи раҳбари Салоҳиддин Элмуродов вилоят ҳудудий электр тармоқлари корхонаси раҳбарига мазкур муаммони бартараф этиш юзасидан депутатлик сўрови юборди. Кўп ўтмай Бахт шаҳридаги “Улуғ йўл” ва “Аҳмад Яссавий” кўчаларига замонавий электр чироқлари ўрнатилди. Сайхунобод туманидаги “Гулистон”, “Ўрикзор”, “Нурли йўл” маҳаллаларида яшовчи фуқаролар мазкур маҳаллалардан ўтган ва А-373 “Тошкент — Ўш” халқаро автомобиль йўлига туташ саналувчи ички йўл узоқ йиллардан буён таъмирланмаганлиги боис ачинарли ҳолатга келиб қолганлиги ҳақида депутатлик гуруҳи аъзоси Малик Аҳмедовга мурожаат этишди. Депутат муаммога ечим топиш учун Сирдарё автомобиль йўллари ҳудудий бошқармасига депутатлик сўрови киритди. Шу билан бирга, М.Аҳмедов халқ депутатлари вилоят Кенгашининг сессиясида ҳам шу масала хусусида ўз таклифини билдирди. Депутатнинг саъй-ҳаракати ижобий натижа берди. Мутасадди ташкилотлар муаммо юзасидан ўрганишлар олиб боргач, таъмирлаш ишлари учун зарур маблағ ажратилишига эришилди. Жорий йилнинг февраль ойида ушбу ички йўлнинг 3 километрлик қисми таъмирланди. Депутат Дилфуза Умеровага уй-жой билан таъминлашда ёрдам сўраб мурожаат этган Янгиер шаҳрининг “Шодлик” маҳалласида истиқомат қилувчи кам таъминланган фуқаро Одина Эрматовага ҳам яқиндан ёрдам кўрсатилди. Янгиер шаҳар ҳокимлигига депутатлик сўрови киритилгач, фуқаро О.Эрматова жорий йилнинг январь ойида ушбу ҳокимлик балансида турган кўп қаватли уйдаги 2 хонали хонадон соҳиби бўлди. Унгача фуқаро О.Эрматова шаҳар иссиқлик манбаи корхонасига қарашли темир вагонда бир нафар фарзанди ва икки нафар набираси билан яшаб келганини назарда тутсак, партия депутатининг бу амалий иши нақадар ҳаётий аҳамиятга эга эканини англаймиз. “Шодлик” маҳалласининг 36-даҳасида жойлашган педагогика коллежи олдидан ўтувчи йўлнинг ачинарли аҳволи ҳам депутатнинг назаридан четда қолмади. Транспорт воситалари қатнови, йўловчилар, хусусан, ўқувчилар учун ҳам ҳаракат хавфсизлигини таъминлашда йўл равон бўлиши асосий омил экани маълум, албатта. Депутат Д.Умерова Янгиер шаҳар ҳокимлигига депутатлик сўрови киритгач, йўлнинг педагогика коллежи олдидаги 250 метрлик қисми тўлиқ қайта таъмирланди. Бу хайрли иш ўқитувчилар ва ота-оналарни ҳам қувонтирди. Мулоқотлар чоғида қайд этилганидек, хонадонлар, йўллар, маҳаллалар ободлигидан одамларнинг кўнгли ҳам обод бўлмоқда. Меҳринисо БОБОНАЗАРОВА, Сирдарё вилоят кенгаши матбуот котиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Сурайё Усмонова: кўрик-танловда иштирок этиб сиёсий-ҳуқуқий соҳадаги билим ва тажрибаларим ортди

Хотин-қизларнинг сиёсий соҳадаги билим ва кўникмаларини янада ошириш мақсадида ташкил этилган “Йилнинг энг фаол адолатчи аёли” республика кўрик-танловида иштирок этиш биз аёлларга ўзимизнинг куч ва имкониятларимизни кўрсата олиш, иқтидоримизни рўёбга чиқаришдаги роли билан ҳам қимматли бўлди. Қатнашувчи сифатида таассуротларимни ифодалайдиган бўлсам, сиёсий-ҳуқуқий соҳадаги билим ва тажрибаларим ортди. Мактаб таълимига оид миллий қонунчилик асослари, белгиланган ҳар бир меъёр мазмунини нафақат касбдошларимиз, балки ўқувилар ва уларнинг ота-оналари ҳам зарур даражада билиши лозимлиги ҳақида беллашув иштирокчилари билан фикрлашганим айни муддао бўлди. Бу масалада партия депутатлари билан биргаликда иш олиб боришни ўз олдимга мақсад қилиб қўйдим. Кўпчиликка маълумки, ўқувчи ва ўқитувчиларнинг маънавияти ҳақида ижтимоий тармоқларда бир қатор чиқишлар бўлмоқда. Ўқитувчи, ўқувчи ва ота-она муносабатлари бир-бири билан боғлиқ бўлиб, пировардида бу таълим сифатига жиддий таъсир қиладиган ҳаётий омил саналади. Уларнинг ҳар бири ўз бурч ва мажбуриятларини бажариши шарт. Ўз бурч ва мажбуриятларини бажармаслик қандай ҳуқуқий оқибатларга олиб келишини ҳар биримиз яхши англаб олишимиз лозим. Таълим-тарбия жамият тараққиёти, соҳалар ривожланишида, ёшларимиз ҳаётда ўз ўрнини топишида кўзланган натижаларни бериши, турли муаммолар пайдо бўлишининг олдини олишда ҳам бу норматив-ҳуқуқий меъёрларни амалиётда қўллаш ҳал қилувчи аҳамият касб этади. Сурайё УСМОНОВА, “Йилнинг энг фаол адолатчи аёли” республика кўрик-танлови иштирокчиси, Сирдарё вилояти босқичи ғолиби Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Юксак ҳуқуқий маданият – қонун устуворлигининг гарови

  Ўзбекистон “Адолат” СДП Ховос туман Кенгаши томонидан “Юксак ҳуқуқий маданият – қонун устуворлигининг гарови” мавзусида тадбир ўтказилди. Ховос туман ҳокимлигининг мажлислар залида бўлиб ўтган мазкур тадбирда Фуқароларнинг ўзини ўзи бошқариш органлари фаолиятини мувофиқлаштириш бўйича Ховос туман Кенгаши вакиллари, Ховос туман ҳоким ўринбосари О. Донабоев, туман партия Кенгаши вакиллари, маҳаллий Кенгаш депутатлари, Ховос туман МФЙ раислари, умумтаълим мактаби ўқитувчилари ҳамда партиянинг фаол аъзолари иштирок этишди. Дастлаб, тадбирда иштирокчилар эътибори яқинда давлатимиз раҳбари томонидан қабул қилинган “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармонининг мазмун-моҳиятига қаратилди. Мазкур ҳужжатда белгиланган устувор вазифаларнинг ижросини таъминлашда давлат ва жамоат ташкилотларининг ҳамкорлигини кучайтириш масалаларига алоҳида эътибор қаратилиши, бу борада маҳалла фаолларининг ўрни алоҳида эканлиги тадбирда таъкидлаб ўтилди. Фуқаролар онгида “Жамиятда қонунларга хурмат руҳини қарор топтириш – демократик ҳуқуқий давлат қуришнинг гаровидир” деган ҳаётий ғояни мустаҳкамлаш, аҳолига мамлакатимизда амалга оширилаётган ижтимоий-иқтисодий ислоҳотлар, қабул қилинаётган қонун ҳужжатлари ва давлат дастурларининг мазмун-моҳиятини халққа изчил етказиш тизимини шакллантириш бирламчи вазифалардан этиб белгиланганлиги ҳақида иштирокчиларга кенг ва атрофлича тушунчалар бериб ўтилди. Т. Шодиев, Фуқароларнинг ўзини ўзи бошқариш органлари фаолиятини мувофиқлаштириш бўйича Ховос туман Кенгаши раис ўринбосари: — “Юксак ҳуқуқий маданият – қонун устуворлигининг гарови” деган концептуал ғоя асосида аҳолининг барча қатламлари ҳуқуқий саводхонликка эришишлари, юксак даражадаги ҳуқуқий онгга эга бўлиши ҳамда ҳуқуқий билимини кундалик ҳаётда қўллаши учун тизимли ва кенг қамровли ҳуқуқий тарғибот тадбирларини ташкил қилиш давлат органлари ва ташкилотларнинг устувор вазифаларидан бири ҳисобланади. Бунда жамиятда ҳуқуқий онг ва ҳуқуқий маданиятни юксалтиришда “шахс- оила-маҳалла-таълим муассасаси-ташкилот-жамият” принципи бўйича тизимли ва узвий ишлар ташкил этилиши лозимдир. Тадбир якунида кун тартибидаги масалалар юзасидан қолган иштирокчилар ҳам ўз фикр-мулоҳазаларини билдириб ўтдилар ҳамда тегишли тартибда вазифалар ижросини бажариш белгилаб олинди. Азиза НАЗИРҚУЛОВА Ўзбекистон “Адолат”СДП Сирдарё вилоят Кенгаши бош мутахассиси Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Депутат ташаббуси: “Улуғ йўл” ва “Аҳмад Яссавий” кўчаларига замонавий электр чироқлари ўрнатилди

Оқшом пайтлари хонадонларда ёки кўчаларда чироқлар бир зум ёниқ турмаса қандай аҳволга тушишимизни яхши биламиз. Бу ҳолат кўпгина ноқулайликларни ҳам келтириб чиқариши бор гап. Шу боисдан депутатлар бундай ҳолатга дуч келиб қолишса муаммога барҳам беришда фуқаролардан ўзларининг холис хизматларини ҳеч қачон аяшмайди.Чунончи, Бахт шаҳрида жойлашган марказий кўчалардан бир нечтасида електр чироқлари ўрнатилмаганлиги шу манзилда яшовчи аҳоли ва қолаверса, ушбу йўлларда ҳаракатланувчи ҳар бир фуқарони гўёки ҳаёт нурларидан бебаҳра этаётгандек эди. Айниқса, кекса кишилар ва болалар бундан кўп азият чекишарди. Халқ депутатлари Сирдарё вилоят Кенгаши депутати С. Элмуродов бу ҳолатни кўриб, халқни ортиқ куттириб ўтирмади. Дарҳол масалага ижобий ечим топиш мақсадида Вилоят ҳудудий электр тармоқлари корхонасига депутатлик сўрови юборди. Депутатнинг бу сўрови ижобий қониқтирилиб, “Улуғ йўл” ва “Аҳмад Яссавий” кўчаларига Сирдарё вилоят ҳудудий электр тармоқлари корхонаси томонидан замонавий электр чироқлари ўрнатилди. Эндиликда, агар шу кўчаларга кечаси йўлингиз тушиб қолса, ён-атрофни худди кундузгидек қилиб юборган чироқларга ва бундан беҳад мамнун қиёфадаги инсонларнинг юзларидаги табассумга дуч келасиз. Дарҳақиқат, бу каби сермаҳсул ишлар халқ қалбилан чуқур жой олмасдан қўймайди. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби   Бизни ижтимоий тармоқларда ҳам кузатинг: https://t.me/adolat_uz https://www.instagram.com/adolat_sdp/ https://www.facebook.com/sdpu.adolat/ ...

Батафсил
News

Сардобаликлар янгиланган Сайлов кодекси билан танишди

Ўзбекистон “Адолат” СДП Сардоба туман Кенгаши томонидан вилоят Кенгаши билан ҳамкорликда Сайлов Кодексига киритилган ўзгартиришларни кенг жамоатчиликка етказиш масалалари юзасидан тадбир бўлиб ўтди. Мудофага кўмаклашувчи Ватанпарвар мактабида ташкил этилган мазкур тадбирда партия вилоят, туман ташкилотлари вакиллари, маҳаллий Кенгаш депутатлари, Ватанпарвар мактаби тингловчилари, “Ёшлар қаноти” вакиллари ҳамда маҳалла фаоллари иштирок этишди. Ушбу янгиланаётган сайлов қонунчилиги замирида бир қатор юзада қалқиб турган муаммоларнинг бартараф этилиши билан боғлиқ ижобий ечимлар ўз аксини топган. Жумладан, сайлов жараёнларида замон талабларидан келиб чиқиб ахборот технологияларидан кенг фойдаланиш, муддатидан олдин овоз бериш ҳамда ижтимоий хавфи катта бўлмаган ва унча оғир бўлмаган жиноятларни содир этган шахсларга нисбатан ҳам сайловларда қатнашиш имкониятининг берилиши демократик принципларга тўла мос келиши, инсонпарварлик тамойилларига асосланаётганлигидан дарак бермоқда. Тадбирда юқорида келтирилган маълумотлар бўйича иштирокчиларга атрофлича тушунтиришлар айтиб ўтилар экан, шунингдек, қатнашчилар ўзларини қийнаб келаётган муаммолар юзасидан ҳам партия ходимларига саволлар тақдим этишди. Иштирокчи тингловчилардан бири Жўраев Одилбек ўз ҳудудидаги депутатларнинг нофаол эканлигини айтиб, уларнинг етарлича иш кўрсатмаётганлигидан халқнинг таъби хира бўлаётганлигини билдирди. Мактабда ўқув машғулотларини олиб борувчи ўқитувчи Абсатова Холида эса фуқароларнинг сайлов жараёнларида қатнашиш кўрсаткичи жуда паст бўлиб қолаётганлиги, бу борада уларда сиёсий онг етишмаётганлигини алоҳида ачиниш билан эътироф этди. Партия ходимлари бу муаммолар юзасидан тегишлича ўрганишлар олиб боришни ўз зиммаларига олишди. Якунда партия вилоят раиси ўринбосари Беҳзод Абдуллаев томонидан сиёсий партиялар ва сайлов қонунчилиги бўйича қатнашчиларга саволлар берилди. Саволларга тўғри жавоб топган иштирокчилар рағбатлантирилиб, уларга партиянинг эсдалик совғалари топширилди. ​Бегзод БЕКМУРОДОВ Ўзбекистон “Адолат”СДП Сардоба туман Кенгаши раиси ...

Батафсил
News

Мутасаддилар эътиборидан четда қолаётган мактаб

  Барчага маълумки, бундан анча йиллар олдин, яъни “2004-2009 йилларда мактаб таълимини ривожлантириш Давлат умуммиллий дастури тўғрисида”ги Ўзбекистон Республикаси Президентининг Фармони ва ушбу Фармон юзасидан ҳамда умумий ўрта таълим тизимини тубдан яхшилаш, энг юксак замонавий талабларга жавоб берадиган ўқув-моддий базасини ва таълим стандартларини шакллантириш, қишлоқ ва шаҳар мактабларининг моддий базаси ҳамда жиҳозланишидаги тафовутларни босқичма-босқич бартараф этиш асосида болаларни ўқитиш учун тенг шарт-шароитлар яратиш мақсадида Вазирлар Маҳкамасининг қарори ҳам элон қилинган эди. Шу асосда дастурга киритилган йиллар оралиғида бутун республикамиз мактабларининг тубдан янги қиёфа касб этгани ёки эскисининг ўрнида янги ва замонавий мактабларнинг қад ростлагани барчамизга аён. Кейинги йилларда ҳам таълим соҳасидаги қабул қилинган бир қанча қонун ва қарорларнинг амалдаги ифодаси ўлароқ, бу тизимда кўплаб салмоқли ишлар амалга ошириб келинмоқда. Шундай бўлишига қарамасдан, Сирдарё туман Бахт шаҳар “Тадбиркор” маҳалласида жойлашган 36-умумий ўрта таълим мактабининг бугунги ҳолатини кўриб, юқорида келтирилган Фармон ижроси бу мактабда нега бажарилмаган, деган савол пайдо бўлмоқда. Ишчи гуруҳимиз билан олиб борган ўрганишларимиз жараёнида шу нарсага гувоҳ бўлдикки, 80 ўринга мўлжалланган бу мактаб жуда ачинарли, шарт-шароитсиз, бугунги кун талабига мутлақо жавоб бермайдиган аҳволда. Ташқаридан кўринганда уйча шаклини эслатувчи бу мактабда бошланғич синф ўқувчилари таҳсил олса керак, деган ҳаёлга бордик. Аммо, мактаб ичига кириб у ердаги маъмурият билан бўлган суҳбатимизда бизнинг ўйларимизга қарама-қарши бутунлай тескари жавобни олдик. Фотосуратда кўриб турганингиздек 5-6 та хонадангина иборат бу масканда ҳам бошланғич ҳам юқори синф ўқувчилари таҳсил олишади. Битта хонада ҳам мактаб директори, ҳам ўқитувчилар хонаси, ҳам кутубхона жойлашганига нима дейсиз? Мактаб директори Алижон Муқумов бу ҳақда куйинчаклик билан гапирар экан, — бу муаммомизни ҳал этиш бўйича сўраб бормаган жойим қолмади. Қайси эшикка бош суқманг, ўзидан нари қилишга интилади — дейди. Биз Давлат дастури асосида бу мактаб ҳам лойиҳага киритилган ёки киритилмаганлиги тўғрисида савол билан юзландик. — Киритилган, — деди мактаб директори.— Аммо, мутасадди раҳбарлар томонидан бу ишни бажариш кечиктириб келинмоқда. Алал-оқибат зиммадасиги вазифа эсдан ҳам чиқиб кетмоқда. Натижаси эса кўриб турганингиздек ўзингизга маълум. Бундан фақатгина шу мактабда таълим оладиган ўқувчилар-у уларга яхшироқ таълим берай деб жон куйдираётган ўқитувчилар жабр кўрмоқда. Ҳа, афсус билан қайд этиш жоизки, ўқувчилар ҳали ҳануз мана шундай хеч қандай шароитсиз мактабда таълим-тарбия топиб келишмоқда. Тушликкача бошланғич синфлар, тушликдан сўнг юқори синф ўқувчилари келиб ўқийдиган бу мактаб хоналари бошланғич синфларни ўқитишга мўлжаллаб жиҳозланган бўлиб, парталар, синф доскалари юқори синфларга дарс ўтишга умуман тўғри келмайди. Юқори синфларнинг физика, кимё фанларидан таълим олишларига лаборатория хоналари ҳам мавжуд эмас. Мактаб ўқитувчиларидан бири Қурбонгул Атақўзиева шу важни деб хаттоки, ўқувчилар ўртасида ихтилофлар юзага келаётганлигини ачиниш билан сўзлади. Синф доскасини юқорига илиб қўйса, кичик ёшдаги ўқувчилар қийналади, пастга илай деса аксинча… Мактабда спорт зали бўлишини эса хаттоки, орзу ҳам қилиш қийин. Спортз али у ёқда турсин, мактаб ташқарисида жойлашган спорт майдончаси ҳам хароб аҳволда ётибди. Бу майдончани спорт майдончаси деб аташ тўғри бўлармикин? Иккитагина занг босган темирнинг майдонча ўртасида сўппайиб турганини айтмаганда, бу майдончада бегона ўт-ўланлар-у, сизот сувларидан тўпланиб қолган кўлмаклардан бошқа ҳеч вақо йўқ. Ўртадаги катта эски ҳовуз эса аллақачон чиқинди ташлаш нуқтасига айланиб улгурган. Бу ҳовузга бирорта ёш ўқувчининг тушиб кетмаслигига ким кафолат бера олади. Бундай майдончаларда жисмоний тарбия дарсларининг ўтилиши ўқувчи соғлиги ва ҳаётига хавф туғдирмайдими? — Иссиқ кунларда ўқувчиларимиз жисмоний тарбия машғулотларини шу ерда ўташади,— дейди Қурбонгул Атақўзиева. Қолган пайтларда-чи, деган саволимизга,– Албатта, болалар жисмоний тарбия дарсларига жуда ҳам қизиқишади, ҳар доим ушбу дарс учун махсус кийимларни ҳам кийиб келишади. Бироқ, масаланинг кўндаланг томони, бундай шарт-шароитдан кейин биз, дарсларимизни синфда ўтишга мажбур бўламиз –дейди ўқитувчи. Биз бундай ҳолатдан ҳайратга тушдик, очиғи. Чекка қишлоқ ҳудудида эмас, балки шаҳарда бўлиб туриб шундай аҳволдаги мактабларнинг ҳали ҳам мавжудлиги бизни ташвишга солди. Бу борада бунга масъул мутасадди ташкилотлар қаерга қарашяпди.— Биз бу бўйича бир неча бор вилоят Халқ таълими бошқармасига мурожаат этдик. Аммо натижа биз кутганимиздек бўлмаятди. Вазият ҳали ҳамон “эски хаммом- эски тос”лигича қолмоқда. Биз, гўёки, уларнинг назаридан бир четда қолиб кетаётгандекмиз – дейди куйинчаклик билан мактаб директори Алижон Муқумов. Бу фикрларни эшитиб вазиятга холисона ёндашган ҳолда баҳо берар эканмиз, бизда ҳақли бир савол туғилди. Таълим тизимида жадаллик билан амалга оширилаётган ислоҳотлар жараёни давом этаётган бугунги кунда қанчадан-қанча мактаблар ва бошқа таълим даргоҳлари тубдан қайта қурилиб, капитал-реконструкция ишлари амалга оширилганда нега бу шаҳардаги мактаб эътибордан четда қолиб кетди экан? Ёки унинг ёнида қўшимча ўринларга мўлжалланган мактаб қурса бўлади-ку. Унинг аҳволини яхшилайдиган, зарур шароит ярата оладиган ва жон койитадиган бирор-бир мутасадди наҳотки, топилмаяпти? Бу ерда таълим олаётган мактаб ўқувчилари-ю, таълим берадиган ўқитувчиларида нима гуноҳ? Айблари шу ерда сабоқ чиқариш учун саҳармардондан чопиб келадиган ўқувчилар ва уларга дарс ўтадиган ўқитувчиларнинг фидойиликларими? Биз ушбу масала юзасидан тегишли ташкилот ва мутасаддиларнинг жавобларини кутиб қоламиз. Меҳринисо БОБОНАЗАРОВА, Ўзбекистон “Адолат” СДП Сирдарё вилоят Кенгаши матбуот котиби ...

Батафсил

АЛОҚА

Манзилимиз: Тошкент шаҳри, Чилонзор тумани, Шарқ тонги кўчаси, 23-уй. Мўлжал: Озарбайжон Республикаси элчихонаси:

Телефон: 71-2730731 71-2884654 (139)

Электрон манзил: adolat.sdp@exat.uz

САЙТ ТЕСТ РЕЖИМИДА ИШЛАМОҚДА:

www.adolat.uz веб-сайти 2018 йилнинг 21 май куни электрон ОАВ сифатида давлат рўйхатидан ўтказилган. Гувоҳнома рақами: 1232. Муассис: Ўзбекистон Адолат СДП. Таҳририят манзили: 100043, Тошкент шаҳри, Чилонзор тумани, Шарқтонгги кўчаси, 23-уй. Электрон манзил: info@adolat.uz

Сайт материалларидан фойдаланилганда Фойдаланиш шартларига амал қилиниши шарт. Барча ҳуқуқлар Ўзбекистон Республикасининг оммавийахборот воситалари тўғрисидаги ҳамда муаллифлик ва турдош ҳуқуқлар тўғрисидаги қонун ҳужжатларида белгиланган тартибда ҳимояланган

#

Мурожаатингиз учун рахмат!