Келгуси ҳафтадан бошлаб Россияда кенг миқёсли вакцинация тадбирлари бошланади

Россия президенти Владимир Путин келгуси ҳафтадан бошлаб мамлакатда кенг миқёсли вакцинация тадбирларини бошлаш бўйича топшириқ берди.

"ТАСС" хабарида айтилишича, вакцинациядан биринчи бўлиб ўқитувчи ва шифокорлар ўтказилади.  

Давлат раҳбари видеомулоқот тарзида ўтказилган йиғилишда яқин кунларда мамлакатда вакцина ишлаб чиқариш икки миллион ўлчов бирлигигача етказилишини, бу эса кенг миқёсли вакцинацияни бошлаш имконини беришини маълум қилди.  

Эслатиб ўтамиз, дунёда биринчи бўлиб ишлаб чиқарилган “Спутник V” вакцинаси августда рўйхатдан ўтказилганди.